Les terrils...

Pour la communauté les Croqueurs de Môts

JB à la barre n° 253

Jeudi poésie du 16 septembre 2021

Un texte en patois de votre choix...

Les terrils

Du Pas d'Calais jusqu'à dins ch'Nord,
In les vot tertous alignés,
Marquant tout l' pays des effrorts
que ché mineurs ont toudis faits.

Y in'a des ronds, des pointus,
des ceux qui sont pus allongés.
Combin d'infants ont jué d'sus
Malgré qui avot du dinger !

Y in'a des rouches et des noirs :
L'couleur ch'a fait leu qualité.
I n'ont jamais pris fu, ché noirs,
Tandis qu'les rouches i ont brulé !

In dit qué l'fu, faut d'n'avoir peur.
Pour chu qui in est d'nou terrils,
Si n'brûl'tent point, ch'est un malheur.
Tous les gins vous l'diront, ichi !

A ch't'heure in veut les imbellir
In y plantant des tiots arbus :
I paraît qué cha féra v'nir
Des vacanciers qui iront d'sus !

cha s'ra, fort certain'mint pus biau,
Mais cha much'ra la vérité :
Des terrils verts ! Cha s'ra nouviau !
Ch'n'est point pour cha qui tottent faits !

Croyez-mé ou n'mé croyez point :
A tous les cops, quand j'arviens d'long,
Qué j'arvos les terrils d'min coin,
Eh bin... min coeur... i fait un bond !!

Marceau Dégallaix

Fils de mineur, il est né en 1909 à Anzin. Il fut instituteur à 'école des Houllières à Rouvroy, puis secrétaire au service géologique des mines. Il reçu de nombreux prix et diplômes de l'académie d'Arras, de la société des poètes et artistes de France. Il fut l'auteur d'un recueil de poèmes "Essai de rimes".

https://www.10thingstosee.com/